Traditionelt Eckerchesturnéier, 2019

26.05.2019

De Sportsgrupp huet nees en Eckerchesturnéier, den 23. a 24.5.2019,
organiséiert!
Eckerches gëtt och oft als „falsche Baseball“ bezeechent – dh. 2
Equipen spillen géinteneen, déi eng sinn d’Feldspiller an déi aner
sinn d’Leefer.
All Klassen vum Cycle 1 bis Cycle 4 hunn deel geholl. Esou hunn zum
Beispill déi 2 Equipe 'FC kromme Fouss - staark,schnell,schlau'
géinteneen  gespillt.
Fairen Sport ass wärend 2 Deeg an der Sportshal gebueden ginn, an
dobäi huet jiddereen sech immens amuséiert, déi grouss esou gutt wéi
déi kleng.
En decken MERCI un d'Sportler, d'Organisatiounsequip, Traineren,
d'Arbitteren, d'Fräiwëlleger.
Et war ganz flott, d'Matcher waren mega spannend, kuckt iech d'Resultater un!

Preparatioun op d’Coupe scolaire

16.05.2019

1. Etapp

Wéi scho säit e puer Joer hunn d'Kanner aus der Réiser Schoul d'Chance un engem Geschécklechkeetsparcours Deel ze huelen. D'Enseignanten aus dem Cycle 4 an den John Welter, mat Hëllef vun der APE an den EV stellen e Parcours am Haff op d'Been, wou d'Kanner aus em Cycle 4 kënnen mat hirem eegene Vëlo fir d'Coupe scolaire üben. D'Kanner ginn och geléiert sech op der Strooss richteg ze verhalen.

2. Etapp

Verkéiersgaart zu Esch.
Deen ass dëst Joer leider wéinst Bauaarbechten ausgefall.

 
3. Etapp

D‘Coupe scolaire, déi vun der APE an der Réiser Gemeng organiséiert gëtt. Déi fënnt dëst Joer den 13.06.19 statt.

Kuckt iech d'Fotoën roueg un!

Kolonie

14.05.2019

D'Klassen vum Tom Dosser a vum Olivier Rodesch si gudd zu Remerschen ukomm.

Kolonie Cycle 3.2

05.02.2019

Léif Elteren,
Léif Famill a Frënn,
De Cycle 3.2 vu Bierchem aus dem Pavillon ass gutt zu Cochem ukomm :) Mir fréeën eis op eng flott Kolonie.
Léif Gréiss

Fuesbal / Fuesdisco

01.02.2019

D' a.s.b.l. colonies de vacances organiséiert erëm fir eis Kanner de Fuesbal an d'Fuesdisco.
Wéini: 12. Februar 2019
Wou: Centre culturel Bivange

De Fuesbal ass fir d'Kanner vum Cycle 1&2 vun 15.00 - 17.30 Auer.
D'Fuesdisco ass fir d'Kanner vum Cycle 3&4 vun 17.30 - 29.30 Auer.

Weider Detailer fannt Dir am Flyer ënnen an der Galerie!
Mir freeën eis op Iech!

Eise Buschauffer Guy geet an d'Pensioun

20.01.2019

Laang Joren huet de Guy d'Schüler an d'Léierpersounen hin an hier gefouert. Vill Kilometeren hu mir zesumme gemaach. An ouni säin Engagement wiere vill vun eise Sortien net méiglech gewiescht!
Dofir wollten d'Enseignanten an d'Kanner dem Guy en décke MERCI soen ier hien a seng wuelverdéngte Pensioun geet.
Och nach eemol op dësem Wee: Merci Guy fir deng Aarbecht an däin Asaz!

Wantermaart

09.12.2018

No engem Joer Paus, organiséiert d'Colonies de vacances a.s.b.l dëst Joer erëm den traditionellen Wantermaart.
Wéini: 19. Dezember 2018
Wou: Schoulhaff a Buvette Krautem
Auerzäit: vu 16 Auer bis 19 Auer
Wat erwaart Iech: leckert Iessen, Glühwäin, Kaffisstuff, an e speziellen Optrëtt!
Mir freeën eis Iech do ze begréissen!