Invitatioun: Krëschtmaart

13.12.2003

E Mëttwoch, den 17. Dezember invitéieren d'Schüler an d'Léierpersonal aus der Réiser Gemeng ab 15 Auer op hiren traditionellen Krëschtmaart an der Crauthemer Schoul. Op den Bastelstänn kënnt dir flott Krëschdag-Artikelen kafen. Awer och fir ärt kulinarescht Wuelbefannen ass gesuecht: Et gët Schocki, Glühwäin, Panescher, Kuch, Gromperkichelcher, Käschten a Raclette!

Organisatioun: Colonies de Vacances Réiserbann ASBL

Informationsbrochüre über Medien in der Schule

08.12.2003

Die Gemeinde Roeser hat Innovationsbemühungen in ihrer Schule stets versucht optimal zu unterstützen und auch zu begründen. Besonders im Bereich Medien hat sie so manches vorzuweisen.
Um die Bürger, allen voran die Eltern der Schulkinder, über die Möglichkeiten zu informieren welche die Roeser Schule im Bereich Medien zu bieten hat, hat die Gemeinde eine Brochure zu diesem Thema herausgegeben, welche am 26.11. in der Crauthemer Schule vorgestellt wurde.
Die Publikation ist sowohl in Deutsch als auch in Französisch verfasst und auch online im Bereich 'Philosophie' verfügbar. Leitthemen sind zum Beispiel 'Schule und Gesellschaft', 'Sprache und Medien', 'die Mediathek als Lernzentrum', 'das Internet', 'die Website der Roeser Schule' und 'Schulkino'.

Concert éducatif

20.11.2003


Leschten Mëttwoch, den 19. November woren verschidden Klassen (1. & 2. Schouljoer) aus eiser Gemeng op Rodange en Concert éducatif lauschteren. Den SCRIPT an den Centre Verdi aus der Stad hun op dëse Concert invitéiert, fir dat neit Muséksbuch "Klangmännchen" virzestellen.
D'Kanner konnten matklappen, schnippen, sangen, stampfen, ... an ët wor absolut net langweileg. Di 3 virtuos Muséker vun der Brigade d'Intervention Musicale (Luss, Änder an Sergio) hun bewissen, dass si nët nëmmen hir Instrumenter perfekt beherrschen, mee dass si och talentéiert Entertainer sin, déi d'Kanner an di Erwuessen fir d'Musék ze begeeschteren wëssen.
Den Henri Junck huet duerch den Programme geleed an d'Kanner op di verschidden Aspekter vun der Musék (Melodie, Dynamik, Klangfaarw, asw) opmierksam gemaach.
Um Programme stoungen vill bekannten Lidder aus allen musikaleschen Genren.

Nei Projeten op eisem Site

06.11.2003

Och am neien Schouljoer gouf scho vun de Schüler u verschiddenen Wiki-Projeten geschafft, déi der iech elo ukucken kënnt.

	4. Schouljoer vum Martine Di Tullo D'Kanner hun eng Ëmfro zum Thema Werbung duerchgefouert, ausserdeem fannt dir däitsch Geschichten (z.B. iwer Ausserirdescher) a franzéisch Gedichter zum Thema "la peur".
	Schoul vu Bierchem Am Kader vun hirem wöchentlechen Buchstaarwendag hunn d'Kanner aus dem éischten Schouljoer hir éischt Buchstaarwen um Computer (mam Painter Classic) a matt hirem Kierper duergestallt.
	Tiere und Pflanzen D'Kanner aus dem 3. Schouljoer beschreiwen, wat si zu Huelmes erliewt a geléiert hunn (z.B. iwert d'Hecken a Straicher, awer och wéi een Fiiz mécht). Ausserdeem stellt all Kand iech en Baam fir, deen et sech erausgesicht, ganz genau ugekuckt, gemoolt a beschriwen heut.

Mir halen iech um Lafenden, wann erem nei interessant Aarbechten online sinn. Vergiesst awer net, och e Bléck op all déi interessant Themen ze werfen, un deenen an de leschten Joeren geschafft gouf.

Website a Mediathéik: Rapport 2003/2004

22.07.2003

Zwee Joer nodeems de Réiser Schoulsite (www.roeserschool.lu) online gaang ass kann een eng duerchaus positiv Bilanz zéien.

D'Unzuel vun de Besucher ass ënnerhalb vun deene läschten 12 Méint vu knapp 8000 op iwwer 21500 geklomm, wat enger Besucherzuel vun iwwer 1000 pro Mount entsprëcht. De Site ass awer net nëmme consomméiert ginn, et gouf och vill geschafft - sou ass d'Säitenzuel vun ongeféier 300 op iwwer 860 geklomm, woubäi dee gréissten Deel vu Kanner matt Hëllef vun der Wiki Technologie gemaach gouf. Dësen Trend hält weider bäi sou dass et net méi wäit ass bis zur Marque vun 1000 Säiten. Och d'Unzuel vun de Biller ass eropgaang, vun iwwer 1000 op elo 4167.

Och dëst Joer war d'Mediathéik matt hiren 6207 Artikelen (bal 1000 méi wéi d'läscht Joer), dovun 5114 verschiddener, rëm e vollen Erfolleg: pro Dag kommen am Schnëtt 50 bis 100 Kanner an d'Mediathéik an et si permanent ronn 800 Bicher ausgeléint. Eis 5363 Bicher maache matt 86% dee gréissten Deel vun der Mediathéik aus, duerno kommen d'Zeitungen (3%) an d'Filmer (och 3%, dovun 159 VHS Kassetten a 60 DVDen). D'didaktescht Material mëcht matt 128 Artikelen nach 1% aus, des weideren ginn et 4 Kofferen, 31 CD-ROMen, 58 Audio CDen, 8 Audio Kassetten, 51 Schoulbicher, 49 Artikelen Bastelmaterial, 84 Artikelen Muséksmaterial a 17 Artikelen Computermaterial. All dës Artikelen kënne Kanner an Enseignanten iwwer Internet kucken, sichen, reservéieren, bewerten a kommentéieren.

D'Peronal vun der Bibliothéik huet weider un der Klassifikatioun vun den Artikele geschafft, wat et an Zukunft erméigleche soll nach méi konkret an der Datebank ze sichen. D'Unzuel vun den Artikelen matt Bild ass vun 1403 op 2052 geklomm, 862 Artikelen si matt Text verfügbar (679 Artikelen si souwuel matt Text wéi och matt Bild an der Datebank). E puer honnert weider Biller sinn am Moment a Préparatioun.

Nei waren dëst Schouljoer och de Kanner-Forum an de Pisa-Forum, wou ëmmerhin zesummen 100 Message geschriwwe gi sinn. Et ass allerdéngs och kloer dass am Forum fir Kanner wesentlech méi kéint lass sinn, wat dann eng vun den Aufgaben vum nächste Joer wärt sinn.

457 Benotzer sinn op eisem Site registréiert a kënne mat hirem Passwuert Dokumenter veränneren an Artikelen an der Mediathéik bestellen. Op eisem Webserver befannen sech insgesamt iwwer 20.000 Dokumenter, déi zesumme ronn 270 MB Plaz anhuelen an en Traffic vun iwwer 1 GB pro Mount produzéieren. Fir d'Mediathéik ass en interne Server zoustänneg, sou dass mer hei permanent eng héich Bandbreet zur Verfügung hunn. Béid Server benotze Linux (www.linux.org) als Betriebssystem an OLEFA (www.olefa.com) als Application Server.

Fotoen vum Schoulfest

16.07.2003



Eist Schoulfest war een groussen Succès. D'Wieder hat super matgespillt, an et waren immens vill Kanner an Erwuessener op eist Fest komm. Niewend enger ganzer Rei vu flotten Spiller ass virun allem den Spektakel "Roeser sucht den Superstar" immens gudd ukomm, wou d'Schüler déi opgetrueden sinn vun engem groussen Publikum (permanent iwer 100 Leit!) moralesch ënnerstëtzt ginn sinn. Och d'Iessen (Lasagne, Grill, Eisekuchen...) hunn eis Gäscht sech gudd schmaachen gelooss.

Links:
>>> Méi Fotoen vum Schoulfest
>>> Programm vum Schoulfest
>>> Méi iwert d'Colonies de Vacances

Schoulfest de 14. Juli

04.07.2003

Méindes, de 14. Juli ab 16 Auer fënnt am Haff vun der Crauthemer Schoul eist Schoulfest statt.

Vun 16 bis 18 Auer:
Spiller (Fëschen, Béchse schéissen, Geschécklechkeetsparcous, ...), T-Shirte molen (déi Kanner, déi wëllen een T-Shirt bemolen, sollen hiren vun doheem matbrengen), Gesichter molen, Tombola, Floumaart...

17:00: Bauerelotto
Als Gewëen e fräi wielbare Kuch vum Bäcker Gerard fir 10 Persounen

18:00: Roeser sucht den Superstar (Danzen)
D'Kanner kënnen eleng oder als Grupp optrieden, a versichen an der Kategorie "Danzen" sech als Superstar ze beweisen.

18:45: Stee vum Brandy Mir hunn vum beschtbekannten lëtzebuerger Kënschtler Brandy eng Sériegraphie ofréiert kritt. Des wëlle mir um Schoulfest den 14. Juli géint 18:45 versteeën. Gréisst: 65x50; Oplag: 33/50. Et ass agerummt. Dir kënnt Iech d’Wierk vun 18:15 un an der Konferenz vun der Crauthemer Schoul ukucken. Eng Foto vum Bild gesidd dir och hei. (Deen, deen et steet muss sur Place en Accompte ginn.) Avis aux amateurs ! 19:00: Roeser sucht den Superstar (Sangen) Et geet weider mat den zweeten Deel vun eiser Sich nom Superstar, des Kéier an der Kategorie Sangen. Et get live gesongen, keen Play-Back.

20:00: Singing Teachers
Als gemittlechen Ausklang vum Owend probéieren och d'Enseignanten nach e bëssen fir Stëmmung ze suergen.

Fir Iessen (Lasagne bolognaise & végétarienne, alles vum Grill, Zalotebuffet, Fritten, Kaffisstuff, Eisekuchen) an Drénken ass gesuergt.

Den Erléis vum Schoulfest geet un d'Colonies de Vacanes Réiserbann a.s.b.l. an erlaabt et, de Schoulklassen vu Réiser hir Kolonien ze sponsoren.

Links:
- Colonies de Vacances Réiserbann
- Offiziellen Site vum Brandy

Klassenverdeelung 2003/2004

20.06.2003

Desen Mëttwoch gouf op enger Réunion de Service d'Klassenverdeelung fir d'nächst Schouljoer ausgeschafft:

Schoul	Joer	Titulaire 02/03	Titulaire 03/04
Berchem	1e	Schmit / Pirrotte	Eric Falchero
Crauthem	1e	Sinner / Schou / Schwarz	Cynthia Feidt
Crauthem	1e	Koetz / Kettel	Véronique Thill
Crauthem	1e	assistance	Cindy Schmitt
Crauthem	2e	Georges Turmes	Georges Turmes
Crauthem	2e	Jeanne Scholtes	Jeanne Scholtes
Crauthem	2e	Dani Besch	Paul Klein
Berchem	3e	Sandra Palleva	Sandra Palleva
Crauthem	3e	Thill Véronique	John Welter
Crauthem	3e	John Welter	Liliane Cruchten
Crauthem	3e	Laurent Kirsch	Denise Ruppert
Crauthem	4e	Norbert Streweler	Norbert Streweler
Crauthem	4e	Francis Kohn	Francis Kohn
Crauthem	4e	Edmée Feyder	?
Crauthem	2e, 3e, 4e	Appui	?
Berchem		Assistance	Luc Gilbertz
Crauthem	5e	Falchero/Cruchten/Schmit	Laurent Kirsch
Crauthem	5e	Falchero/Cruchten/Schmit	Alain Jung
Crauthem	5e	Assistance	?
Crauthem	6e	Nadine Deischter	Nadine Deischter
Crauthem	6e	Françoise Baillie-Zens	Françoise Baillie-Zens
Crauthem	6e	Patrice Entringer	Patrice Entringer
Crauthem	6e	Assistance	Nathalie Folschette

Déi Posten matt ? ginn nach zu engem spéideren Zäitpunkt besat.

Wéi Dir feststellen kënnt, ginn d'nächst Joer zu Crauthem am 1. an am 5. Schouljoer jeweils 2 Klassen vun 3 Enseignanten betreit, während am 6. Schouljoer 3 Klassen vun 4 Enseignanten betreit ginn. D'Ziel dovunner ass et, besser op d'Bedürfnisser vunn den eenzelnen Schüler agoen ze kënnen.

Zu Bierchem gouf een Schoulprojet ausgeschafft, zu deem der hei een Beschreiwungstext liesen kënnt (op däitsch an op franzéisch):

>>> Projet Bierchem